Ճիշտ է վերջապես գլուխներն աշխատեցնել.ՌԴ-ից հեռացածները վերադառնալու հնարավորություն կարող է այլևս չունենան
ՌԴ Պետդումայի նախագահ Վյաչեսլավ Վոլոդինը կարծում է, որ Ռուսաստանի Դաշնությունից հեռացած քաղաքացիները լավ կլինի վերադառնան, քանի որ հետագայում նման հնարավորություն կարող է այլևս չլինել։«Հաշվի առնելով այն, ինչ տեղի է ունենում, ճիշտ է վերջապես գլուխներն աշխատեցնել. այսօր վերադառնալու հնարավորություն կա, վաղը, Արևմտյան Եվրոպայում ավելացող հիստերիայի հետ, այն կարող է այլևս չլինել»,- այսօր Telegram-ի իր ալիքում գրել է Վոլոդինը:
ՌԴ Պետդումայի խոսնակի կարծիքով՝ «ավելի լավ հասկանալու համար, թե ինչպիսին է իրավիճակը գնացողների շուրջ, բավական է ծանոթանալ Չեխիայի նախագահի հայտարարությանը, որն առաջարկել է արտասահմանում բնակվող Ռուսաստանի քաղաքացիներին ուղարկել համակենտրոնացման ճամբարներ»։
«Նման խոսքերից հետո մեր քաղաքացիները, որոնք դեռևս մնում են արևմտյան երկրներում, պետք է մտածեն, թե ուր են գնացել, ինչ են գտել, և ինչ է իրենց սպասվում»,- ասել է Վոլոդինը։
Պետդումայի խոսնակի խոսքով՝ 2022 թվականի փետրվարից հետո մեկնած Ռուսաստանի Դաշնության քաղաքացիների կեսից ավելին արդեն վերադարձել է Ռուսաստան, և այդ գործընթացը շարունակվում է։
