Տեսանյութ.Սոչիում արտակարգ դրություն է սահմանվել, արգելված է լողալ լողափերում
Սոչիի լողափերում լողալն արգելված է մինչև հուլիսի 10-ի օրվա ավարտը, գրում է kommersant.ru-ն։ Սոչիում շարունակում է գործել փոթորկի նախազգուշացման ռեժիմ:«Փոթորկի նախազգուշացման ռեժիմի ընթացքում լողափերում լողալն արգելված է։ ...Փրկարարները Սոչիի բնակիչներին և հյուրերին խորհուրդ են տալիս ձեռնարկել բոլոր անհրաժեշտ նախազգուշական միջոցները, ինչպես նաև ժամանակավորապես հրաժարվել ջրի մոտ հանգստանալուց ...Արգելքը կհանվի եղանակային պայմանների փոփոխության և փոթորիկի դադարելուն պես»,- ասվում է պաշտոնական հաղորդագրությունում:
Հուլիսի 9-ի գիշերը Սոչիում տեղի են ունեցել հեղեղումներ, քաղաքի Խոսինսկի թաղամասի տները ջրի տակ են անցել, ջրի հոսքը քշել է տասը մեքենա։ Սոչիի քաղաքապետ Ալեքսեյ Կոպայգորոդսկին հայտնել է, որ քաղաքում ժամանակավոր կացարաններ են կազմակերպվել նրանց համար, ում տները ջրի տակ են անցել։
«Հիմա Խոստայից և Ադլերից 240 քաղաքացի գտնվում են ժամանակավոր կացարաններում, գրեթե բոլորը Սիրիուսի բնակիչներ են: Մենք տրամադրում ենք անհրաժեշտ օգնությունը։ Տուժած շրջաններում արտակարգ դրություն ենք մտցնում»,-ասված է Սոչիի քաղաքապետի հայտարարության մեջ։
Սիրիուսում տեղակայված է օպերատիվ շտաբ։ Սոչիի քաղաքապետարանի մամուլի ծառայության փոխանցմամբ՝ Սոչիի Խոսինսկի և Ադլեր շրջաններում, Սիրիուսի դաշնային տարածքում մունիցիպալ արտակարգ ռեժիմ է մտցվել։
