Լավ էլ ընդունում են, երբ շահ են ունենում.Նստացույց եք անում, գոնե Բրիտանիայի, ԱՄՆ եւ ԵՄ դեսպանատների առաջ դա արեք
Ճիշտ է, մեծ քաղաքականության մեջ էմոցիաներ ու խիղճ չկա, այլ կան շահեր ու Ալիեւը Արեւմուտքի աջակցությամբ է Արցախի շրջափակումը կազմակերպել, ԵՄ ներկայացուցիչն էլ Խանքենդի անվանումն է օգտագործում, ու Աղդամից են ուզում ճանապարհ բացել, Հայաստանում իրենց գործակալին էլ Պրահայում ճանաչել տվեցին Ադրբեջանի տարածքայն ամբողջականությունը, սակայն այստեղ կա մի նրբություն: Այս մասին իր ֆեյսբուքյան էջում գրել է քաղաքագետ Ստեփան Դանիելյանը:«Արեւմուտքը հանդես է գալիս արժեքներից, դեմոկրատիայի ու ավտորիտարիզի ջրբաժանից, գոնե այդ կեղծիքը կբացահայտենք ու պատասխանատվությունն իրենց վրա կլինի: Մեր ժողովրդի համար էլ, ապագայում դաս կլինի, որ միջազգային հարաբերություններում այդ արժեքները սուտ են:
Հիշենք, որ երբ Արցախն ասում էր, որ յոթ շրջաններն անվտանգության գոտի են, Արեւմուտքից ասում էին, որ չկա նման վտանգ, ասում էին, որ չեն ընդունում ուժի միջոցով խնդրի լուծումը:
Լավ էլ ընդունում են, երբ շահ են ունենում: Այս պահին միակ հնարավորությունըն իրենց դիվանագիտական ներկայացուցչությունների առաջ նստացույցներն են, բազմաթիվ վրաններով:
Մի խոսքով, շարժվել է պետք»,- ասաց նա:
