ԱՀԿ-ից հայտնում են՝աշխարհի բնակչության կեսը վտանգված է մլակային տենդով վարակվել
Առողջապահության համաշխարհային կազմակերպությունը ահազանգում է․«Աշխարհի բնակչության կեսը վտանգված է դենգե(մլակային) տենդով վարակվել։ Այն փոխանցվում է մոծակների միջոցով»։
ԱՀԿ-ն 2000-ից 2022 թվականներին գրանցել է դենգե տենդով վարակման դեպքերի ութ անգամ աճ․ դեպքերը 500,000-ից հասել են 4,2 միլիոնի։
Դենգեն լուրջ հիվանդություն է, որն առավել հաճախ վիրուսային վարակ է, որը մի մարդուց մյուսին փոխանցվում է մոծակների խայթոցների միջոցով։
Daily Mirror-ի հաղորդմամբ՝ ԱՀԿ-ից հայտնում են՝ միակ պատվաստանյութը, որը ներկայումս առկա է շուկայում, Սանոֆի Պաստերի պատվաստանյութն է: Այս պատվաստանյութը օգտագործելու համար գրանցվել է գրեթե 20 երկրներում:
Պատվաստանյութը պաշտպանում է միայն այն մարդկանց, ովքեր մեկ անգամ վարակվել են դենգեով․ պահանջվում է, որ մարդիկ ստանան երեք դեղաչափ:
