Հիասթափված եմ...Բայց ի՜նչ անշնորհակալ մարդ դուրս եկար, Հովո
Ֆեյսբուքյան օգտատեր Սրբուհի Առաքելյանը գրում է. «Բայց ի՜նչ անշնորհակալ մարդ դուրս եկար, Հովո։ Ահռելի կարողության տեր դարձավ մայրդ, հիմա նախընտրական գրավի համար իր թոշակը վերցնելուց 3000 դրամով ավել ես վերցնելու, էլի՞ մրթմրթում ես
#անաղուհաց_թիզուկես»։
2018 թվականի հեղափոխությանը ակտիվ մասնակցած դերասան Հովհաննես Ազոյանը Factor TV-ի հետ հարցազրույցում ասել է, որ իր սպասելիքները չեն արդարացել։ Պատասխանելով հարցին՝ արդյոք դեռ գործող իշխանությունների կողմնակի՞ցն է` Ազոյանն ասել է, որ հիասթափված է։
«Հեղափոխության արդյունքը նույնիսկ բավարար չեմ համարում, ցավով եմ սա ասում։ Բնականաբար, հիասթափված եմ այս իշխանություններից։ Այս իշխանությունը կորցրել է իրականության ու պատասխանատվության զգացողությունը, բայց նրանց փոխարինելու այլընտրանք առայժ չեմ տեսնում»,- ընդգծել է Ազոյանը։
