Սերբիայի նախագահ Ալեքսանդր Վուչիչը սպառնացել է Ուկրաինային
Սերբիայի նախագահ Ալեքսանդր Վուչիչը սպառնացել է Ուկրաինային, եթե Կիևը ցանկանա պաշտոնապես ճանաչել Կոսովոյի անկախությունը, տեղեկացնում է է RTRS հեռուստաալիքը։Պատճառը արևմտյան երկրների կառավարություններին ուղղված կոչն էր՝ Բելգրադի և Պրիշտինայի նկատմամբ քաղաքականությունը վերանայելումասին, որը ստորագրել էր նաև ուկրաինացի պատգամավոր Ալեքսանդր Մերեժկոն, գրում է Vesti.ua-ն։
Ինչպես նշվում է, նամակը, որը ստորագրել են արտաքին հարաբերությունների տասը խորհրդարանական հանձնաժողովների ղեկավարներ և տարբեր խորհրդարանների ավելի քան հիսուն պատգամավորներ, կոչ է անում ուժեղացնել ճնշումը Սերբիայի վրա և մերժել նրա և Կոսովոյի նկատմամբ հավասարակշռության փորձերը։ Մեկնաբանելով այս նամակը՝ Վուչիչը հայտարարել է, որ այն ուղղված է Սերբիայի դեմ և, իբր, իրեն «մեղավոր է դարձնում Սերբական Հանրապետությունում մարդկանց օգնելու համար», ինչպես նաև նպատակ ունի «հակամարտություն հրահրել»։
«Ուկրաինան մեզ համար բարեկամ երկիր է։ Կարծում եմ՝ Զելենսկին խելացի է Մերեժկոյից, որովհետև պատկերացրեք՝ եթե Ուկրաինան ճանաչի Կոսովոյի անկախությունը, մեկ օրում կկորցնի ամեն ինչ»,- ընդգծել է Սերբիայի նախագահը։
