Մենք երախտապարտ ենք ձեզ և նաև մեր վրացի գործընկերներին. Փաշինյանը՝ Միշուստինին
ՀՀ վարչապետ Նիկոլ Փաշինյանը շնորհակալություն է հայտնել ՌԴ վարչապետ Միխայիլ Միշուստինին՝ Վերին Լարս անցակետում նոր ուղիներ բացելու համար․«Ես շատ ուրախ եմ այս հանդիպման համար և հուսով եմ, որ այսօր մենք կունենանք կառուցողական քննարկում»,- ասել է Փաշինյանը Միշուստինի հետ հանդիպմանը, որը տեղի է ունենում Եվրասիական միջկառավարական հանդիպման նախօրեին։
«Սոչիում մեր վերջին հանդիպման ժամանակ դուք խոստացել էիք, որ «Վերին Լարս» անցակետում շուտով նոր ուղիներ կբացվեն, դա եղավ: Եվ սա շատ կարևոր, նշանակալից իրադարձություն է մեր հարաբերություններում»,- նշեց Փաշինյանը՝ հիշեցնելով այդ հատվածում կուտակված կիլոմետրեր ձգվող հերթերի մասին։
«Մենք երախտապարտ ենք ձեզ և նաև մեր վրացի գործընկերներին, շատ ուրախ ենք ձեր համագործակցության համար»,- ասաց Փաշինյանը։
Խոսելով երկու երկրների միջև ապրանքաշրջանառության մասին՝ Փաշինյանը նշեց, որ 2022 թվականին այն կազմել է հինգ միլիարդ դոլար, իսկ այս տարի աճը շարունակվում է։
«Հուսով եմ, որ մինչև այս տարվա վերջ մենք կհաղթահարենք նախորդ տարվա մակարդակը»,- ասաց նա։
Փաշինյանն ընդգծել է, որ Հայաստանն ու Ռուսաստանը ամուր հարաբերություններ ունեն և վստահություն է հայտնել, որ երկկողմ համագործակցությունն արդյունավետ կլինի։
«Իհարկե, մենք տարածաշրջանային իմաստով շատ խնդրահարույց խնդիրներ ունենք, և այդ հարցերը միշտ քննարկում ենք մեր ռուս գործընկերների հետ, և վստահ եմ, որ այսօր մենք նույնպես կանդրադառնանք այդ հարցերին»,- ասաց նա։
