Սերգեյ Սմբատյանը կալանքից ազատ է արձակվել՝ սահմանվել է տնային կալանք
Վերաքննիչ քրեական դատարանի այսօր կայացված որոշմամբ մասնակի բեկանվել է Մաեստրո Սերգեյ Սմբատյանի նկատմամբ կալանավորումը որպես խափանման միջոց ընտրելու մասին առաջին ատյանի դատարանի որոշումը։
Այս մասին տեղեկացնում են փաստաբաններ Երվանդ Վարոսյանը և Լուսինե Սահակյանը՝ նշելով, որ ընտրված խափանման միջոցը փոփոխվել է, որպես խափանման միջոց է ընտրվել տնային կալանքը, որն անընդունելի է։
Փաստաբանները հայտնել են, որ այս որոշման դեմ ներկայացնելու են վճռաբեկ բողոք, Սերգեյ Սմբատյանի նկատմամբ առհասարակ որևէ խափանման միջոցի կիրառումն ապօրինի է և անհիմն։