Տեսանյութ.Մարդիկ տեսել են մեզ բակերում իրենց պահանջները լսելիս և տեսել են այն աշխատանքը, որ իրականացնում ենք իրենց պահանջով
Քաղաքացիական Պայմանագիր կուսակցության քաղաքապետի թեկնածու Տիգրան Ավինյանն այսօր նախընտրական քարոզարշավի շրջանակներում հանդիպում ունեցավ Մալաթիա-Սեբաստիա վարչական շրջանի բնակիչների հետ։Հանդիպումների ընթացքում լսեց բնակիչներին հուզող խնդիրները, իսկ լրագրողների հետ ճեպազրույցում Տիգրան Ավինյանը նշեց, որ քարոզարշավի ընթացքը գնահատում է շատ դրական, ամենակարևորը իրենց բոլոր վարչական շրջաններում լավ են ընդունում. «Կարծում եմ՝ դա շատ տրամաբանական է, որովհետև այդ մարդիկ վերջին շրջանում տեսել են մեզ բակերում, տեսել են իրենց պահանջները լսելիս և տեսել են այն աշխատանքը, որ իրականացնում ենք իրենց պահանջով»։
Ավինյանը նաև ասաց, որ յուրաքանչյուր ընտրություններ քաղաքական են և ամեն ընտրություն ունի իր նպատակը. «Երևանի ավագանու ընտրությունները Երևան քաղաքի մասին են, երևանցիների մասին են, բակերի, մանկապարտեզների, պոլիկլինիկաների մասին են, մեր քաղաքում ապրող մարդկանց կյանքը ավելի լավը դարձնելու մասին են»։
