Խոստում Հաջիևից՝ «շանտաժի» լեզվով.24 ժամ հետո կբացվի Լաչինի միջանցքը.Ադրբեջանը փորձում է խաղալ ԼՂ քաղաքացիների նուրբ լարերի վրա
Աղդամով (Ակնա) անցնող ճանապարհի բացվելուց 24 ժամ անց կբացվի նաև Լաչինի ճանապարհը:Այս մասին հավաստիացրել է Ադրբեջանի նախագահի օգնական-նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
«Որքան շատ ճանապարհներ, այնքան լավ բոլորի համար»,- ընդգծել է Հաջիևը։
Նշենք, որ Հաջիևի կողմից արված «խոստումն» ավելի շատ նման է շանտաժի, քանի որ, ինչպես հայտնի է, Աղդամի ճանապարհն արգելափակված է ԼՂ բնակիչների կողմից, նրանք փորձում են թույլ չտալ կեղծ մարդասիրությամբ Բաքվից ուղարկված «հումանիտար» բեռի մուտքը Լեռնային Ղարաբաղ:
Հաջիևի պայմանի կատարման դեպքում, նշված օգնությունը կմտնի ԼՂ ու կստացվի, որ տեղի բնակիչներն ընդունում են Բաքվից ուղարկված «օգնություն»-ը և բացում Ադրբեջանի վերահսկողությանն անցած տարածքների հետ կապը:
Դա չի թաքցրել նաև Հաջիևը՝ կրկին նշելով, որ «ղարաբաղցի հայերին առաջարկվում են նույն լեզվական, մշակութային, կրոնական, այդ թվում՝ մունիցիպալ իրավունքները, ինչ Ադրբեջանի մնացած քաղաքացիներին»։
Այսպիսով, իմանալով, թե կենսական ինչ մեծ անհրաժեշտություն է տեղի հայերի համար Լաչինի ճանապարհի բացումը, Ադրբեջանը փորձում է խաղալ ԼՂ քաղաքացիների նուրբ լարերի վրա:
medianews.site
