Երկրից գնացածները հետզհետե վերադառնալու են, բացի նրանցից, ովքեր դարձել են մեր երկրի թշնամիները
Հատուկ ռազմական գործողության ֆոնին մեկնած ռուսները կվերադառնան Ռուսաստան, քանի որ տնտեսական իրավիճակը փոխվում է, բայց երկրի թշնամիների համար տեղ չի գտնվի։ Այս մասին RBC-ի հետ զրույցում ասել է Ռուսաստանի նախագահի խոսնակ Դմիտրի Պեսկովը։«Քանի որ մեր աճող շուկան գնալով ավելի գրավիչ է դառնում շատ երկրներում բացասական տնտեսական միտումների ֆոնին, որտեղ այդ մարդիկ մեկնել են, նրանք կգան այստեղ»,-ասել է նա։
«Այդ մարդիկ հետզհետե վերադառնալու են, բացի նրանցից, ովքեր դարձել են մեր երկրի թշնամիները»,-հավելել է Պեսկովը։
«Տնտեսական առումով մենք վատ չենք ապրում։ Մենք սկսեցինք զարգանալ։ Մենք ունենք դժվարություններ, ունենք խնդիրներ։ Մենք չենք կարող չզգալ այս խնդիրները մեզ վրա՝ հաշվի առնելով այն անբարյացակամ մթնոլորտը, որում գտնվում ենք: Նկատի ունեմ այն, ինչ փորձում են անել հավաքական Արեւմուտքի երկրները։ Չնայած դրան՝ մենք շատ լավ ցուցանիշներ ենք ցուցադրում»,-ասել է Պեսկովը։
