ՌԴ խաղաղապահները հենց դրա համար են կանգնած
ՌԴ խաղաղապահները ղարաբաղյան հակամարտության գոտում տեղակայվել են էսկալացիան կանխելու համար։ Այսօրվա ճեպազրույցի ժամանակ նման հայտարարություն է արել ՌԴ ԱԳՆ պաշտոնական ներկայացուցիչ Մարիա Զախարովան։«ՌԴ խաղաղապահները կանգնած են, որպեսզի հակամարտության գոտում, ավելի ճիշտ, ես կասեի` կարգավորման գոտում էսկալացիա տեղի չունենա։ Հենց դրա համար ՌԴ-ն կատարում է իր միջնորդական դերը՝ կոչ անելով բոլոր կողմերին կատարել այն, ինչի տակ ստորագրել են»,-ասել է նա։
Նշենք, որ վերջին շրջանում թե՛ Լեռնային Ղարաբաղի շփման գծում, թե՛ Հայաստանի հետ սահմանին ադրբեջանական ռազմական տեխնիկայի և անձնակազմի կուտակումներ են նկատվում։
