Քվեարկել եմ հանուն մեր ու մեր երեխաների ապագայի և ավելի լավ քաղաքի. Տեսանյութ. Լուսանկարներ
ՔՊ Երևանի քաղաքապետի թեկնածու Տիգրան Ավինյանը մասնակցեց ավագանու ընտրություններին՝ 9/53 ընտրատեղամասում: Նա քվեարկության էր եկել կնոջ և դստեր հետ։Տիգրան Ավինյանը քվեարկությունից հետո պատասխանել է լրագրողների հարցերին։
«Քվեարկել եմ հանուն Երևանի շարունակական զարգացման, քվեարկել եմ հանուն մեր ու մեր երեխաների ապագայի և ավելի լավ քաղաքի»,- ասել է նա։
Տիգրան Ավինյանը անդրադարձել է նաև ընտրացուցակների խնդրին. «Որևէ տրամաբանություն չկա մեզ մեղադրելու: Ցուցակները բաց են եղել և վստահաբար անճշտություններ էլ կարող են լինել: Ընտրություններից հետո կարելի է ստուգել՝ ովքեր են գնացել ընտրությունների, և արդյո՞ք այդ մարդկանց անվան դիմաց ստորագրություն տեսնում եք»։
Նա նաև նշել է. « Եթե ժողովրդավար, արդար ընտրություններ ենք այսօր ունենալու, վարչական ռեսուրսի կիրառումը կամ այդ մարդկանց հավաքներին բերելը որևէ տրամաբանություն չունի»:
