Ադրբեջանցի ուժայինները ելումուտ են անում Ստեփանակերտում (լուսանկարներ)
Ադրբեջանցի զինվորականները Ստեփանակերտում են, գրում են այդ երկրի տելեգրամյան ալիքները։Համացանցում արդեն կադրեր են հրապարակվել։
Հիշեցնենք, որ նախօրեին ադրբեջանական ԶԼՄ-ները պնդում էին, թե Ստեփանակերտում են նաև ոստիկանական ուժերը։
Նրանց մեքենաները նկատվել են քաղաքի փողոցներում, Արցախի խորհրդանիշներից մեկը համարվող «Մե՛նք ենք մեր սարերը» կոթողի մոտ:
Համապատասխան տեսանյութերը տարածվել են ադրբեջանական տելեգրամյան ալիքներում: Արցախցիների բռնի տեղահանման ու նրանց կամայական ձերբակալությունների ֆոնին այս ամենը լրացուցիչ տագնապ է առաջացնում։
