Տեսանյութ.Թուրքիայի հազարավոր քաղաքացիներ պաղեստինյան դրոշներ ձեռքին դուրս են եկել փողոց, բախումներ են եղել. այրել են Իսրայելի դրոշը
Գազայի հատվածում Ալ-Ահլի բապտիստական հիվանդանոցի վրա հարձակումից հետո Թուրքիայի հազարավոր քաղաքացիներ պաղեստինյան դրոշներ ձեռքին դուրս են եկել փողոց։ Ինչպես հայտնում է Anadolu գործակալությունը, բողոքի ակցիան իրականացվել է Ստամբուլում Իսրայելի գլխավոր հյուպատոսության դիմաց։Ցուցարարները ձվեր են նետել հյուպատոսության շենքի վրա, միաժամանակ տարածքում այրել են է Իսրայելի դրոշը։
Նրանցից ոմանք ցանկացել են ճեղքել հյուպատոսությունը շրջապատող անվտանգության աշխատակիցների պատնեշները, ինչի արդյունքում հրմշտոց ու ծեծկռտուք է սկսվել։ Դրանից հետո անվտանգության աշխատակիցները կիրառել են արցունքաբեր գազ ցույցը ցրելու համար։
Նշվում է, որ բողոքի ակցիան եղել է բազմամարդ ու մի քանի անգամ բախումներ են տեղի ունեցել իրավապահների ու ցուցարարների միջև։
