Մի շարք երկրների կառավարություններ կոչ են արել իրենց քաղաքացիներին հեռանալ Լիբանանից
Մի շարք երկրների կառավարություններ կոչ են արել իրենց քաղաքացիներին՝ առաջիկա օրերի ընթացքում հեռանալ Լիբանանից։Նախօրեին նման հայտարարությամբ է հանդես եկել նաեւ Իրանի իսլամական հանրապետությունը։
Մեծ Բրիտանիայի արտաքին գործերի նախարարությունը քաղաքացիներին խորհուրդ է տվել չմեկնել Լիբանան և այնտեղ գտնվող բրիտանացիներին կոչ արել լքել երկիրը, լանի դեռ կան կոմերցիոն չվերթները։
Իրենց քաղաքացիներին ուղղված նման հայտարարություններով են հանդես եկել նաեւ ԱՄՆ-ն, Գերմանիան, Կանադան, Բելգիան, Հոլանդիան, Սաուդյան Արաբիան։ Այցերից ձեռնպահ մնալու կոչով են հանդես եկել նաեւ ՌԴ-ն, Քուվեյթը, ԱՄԷ-ն։
Իսրայելա-պաղեստինյան հակամարտությունը ընդլայնվելու նշաններ է ցույց տալիս. Իսրայելը հարվածներ է հասցրել նաեւ Լիբանանում գտնվող «Հեզբոլլահի» խմբավորումներին։
