Սա ավելի շուտ ողջ մահմեդական ումմայի ճակատամարտ է.Ալ-Քաիդան և ԻՊ-ը կոչ են արել հարձակվել Իսրայելի, ԱՄՆ-ի և հրեաների թիրախների վրա
«Ալ-Քաիդան» և «Իսլամական պետությունը» (ԻՊ) կոչ են արել իրենց հետևորդներին հարձակվել Իսրայելի, ԱՄՆ-ի և հրեաների թիրախների վրա՝ բարձրացնելով ահաբեկչական բռնությունների ավելի մեծ հավանականությունը Մերձավոր Արևելքում կամ Արևմուտքում, գրում է The Guardian-ը:Անցած երկու շաբաթվա ընթացքում մի շարք հայտարարություններում Ալ-Քաիդայի մասնաճյուղերը շնորհավորել են Համասին «Իսրայել ներխուժելու» համար:
Գազայի հատվածում իսրայելական ռազմական հարձակումը, որը հումանիտար ճգնաժամի պատճառ է դարձել և սպանել ավելի քան 4500 պաղեստինցիների, վրդովմունք է առաջացրել ամբողջ իսլամական աշխարհում: Փորձագետների կարծիքով՝ սա հնարավորություն է տալիս ծայրահեղական խմբավորումներին։
Սոմալիում «Ալ-Քաիդայի» մասնաճյուղը «Ալ-Շաբաաբ»-ը հայտարարել է, որ հակամարտությունը Մերձավոր Արևելքում պարզապես «Իսլամական խմբավորումների ճակատամարտ չէ հատկապես Պաղեստինի երկրում, այլ ավելի շուտ ողջ մահմեդական ումմայի ճակատամարտը»: «Մահմեդականները պետք է համախմբվեն և ամեն ինչ անեն՝ աջակցելու մոջահեդներին ընդդեմ հրեաների և նրանց կեղծավոր անհավատ դաշնակիցների»:
Հնդկական թերակղզում, Եմենում և Սիրիայում «Ալ-Քաիդայի» մյուս մասնաճյուղերը նման հայտարարություններ են արել:
Հյուսիսային և Արևմտյան Աֆրիկայում «Ալ Քաիդայի» մասնաճյուղերը գովաբանել են ՀԱՄԱՍ-ի հարձակումները Իսրայելի վրա և կոչ են արել հետագա բռնություն կիրառել հրեաների դեմ, հայտնում է Long War Journal լրատվական կայքը, որը մասնագիտացած է իսլամիստների բռնությունների վրա:
Անցյալ շաբաթ MI5-ի և ՀԴԲ-ի ղեկավարներն ասել են, որ հրեական համայնքները և այլ խմբերը կարող են վտանգվել առանձին դերակատարների, Իրանի կամ զինյալների կողմից: Նույնիսկ Գազայի պատերազմից առաջ եվրոպական իշխանությունները նախազգուշացրել էին մայրցամաքում իսլամիստական ահաբեկչության աճի մասին:
