ՌԴ-ն դեկտեմբերի 1-ից կարգելի դեպի Հայաստան ցորենի արտահանումը
Ռուսաստանի գյուղատնտեսության նախարարությունն առաջարկել է 2023 թվականի դեկտեմբերի 1-ից մինչև 2024 թվականի մայիսի 31-ը արգելել երկրից կոշտ ցորենի արտահանումը: Այս մասին ասվում է նորմատիվ իրավական ակտերի նախագծերի պորտալում տեղադրված կառավարության որոշման նախագծում։Որոշման նախագծի համաձայն՝ Ռուսաստանի Դաշնությունում պարենային անվտանգությունն ապահովելու նպատակով ժամանակավոր արգելք է մտցվում։ Այն կտարածվի ԵԱՏՄ-ի 1001 11 և 1001 19 ծածկագրերով կոշտ ցորենի վրա։
Արգելքը չի տարածվի միջազգային իրավական համաձայնագրերի շրջանակներում այլ երկրներ մարդասիրական օգնության համար ռուսական ցորենի արտահանման, Ռուսաստանի տարածքով տարանցման, ինչպես նաև Աբխազիայի, Հարավային Օսիայի և Բելառուսի վրա։
Բանաձևի կատարման նկատմամբ վերահսկողությունը կհանձնվի Դաշնային մաքսային ծառայությանը, Ռոսսելխոզնադզորին, ԱԴԾ-ին, ՆԳՆ-ին և Ռուսաստանի գվարդիային։ Տնտեսական զարգացման նախարարությունը ստիպված կլինի այդ արգելքի մասին տեղեկացնել Եվրասիական տնտեսական հանձնաժողովին։ Բանաձևի նախագծի համաձայն՝ արգելքն ուժի մեջ պետք է մտնի 2023 թվականի դեկտեմբերի 1-ից։
