Նոել Գևոր Միքայելյանը հաղթեց նոկաուտով և դարձավ WBC վարկածով աշխարհի չեմպիոն
Մայամիում կայացել է WBC վարկածով ծանր քաշային կարգի չեմպիոնի կոչման մենամարտը Նոել Գևոր Միքայելյանի և Իլունգա Մակաբուի միջև:Հայ բռնցքամարտիկը երրորդ ռաունդում տեխնիկական նոկաուտի է ենթարկել աֆրիկացուն և առաջին փորձից դարձել է աշխարհի չեմպիոն:
Միքայելյանը կարիերայի 29-րդ մենամարտում 27-րդ հաղթանակն է տարել, որոնցից 12-ը նոկաուտով: Մակաբուի ցուցանիշն է 29 հաղթանակ և 4 պարտություն:
«Շատ գոհ եմ մենամարտի արդյունքից: Չէի սպասում, որ այսքան վաղ նոկաուտի կենթարկեմ նրան, բայց վստահ էի, որ վերջում իմ ձեռքն է վեր բարձրացվելու: Շատ եմ սպասել այս պահին»,- նոել Գևորի խոսքերն է մեջբերում Boxing Scene-ը:
Այսպիսով, ծանր քաշային կարգում արդեն երկու հայ աշխարհի գործող չեմպիոն կա: WBA վարկածով աշխարհի չեմպիոնը Արսեն Գուլամիրյանն է:
