Հաշվի առնելով նոր սպառնալիքները,Իրանը թարմացրել է ՀՕՊ համակարգը.ռազմական առաջընթացը ուղղված է միայն զսպմանը և սպառնալիք չի պարունակում
Իրանը թարմացրել է ՀՕՊ համակարգը՝ հաշվի առնելով նոր սպառնալիքները։ Այս մասին ասել է Իրանի ՀՕՊ հյուսիսարևելյան գոտու հրամանատար, բրիգադի գեներալ Մոհամադռեզա Մասումին, տեղեկացրել է Mehr-ը։Նրա խոսքով՝ Իրանի ՀՕՊ-ը կարող է որսալ ցանկացած սպառնալիք։ Նա ավելացրել է, որ եթե աերոտիեզերական սպառնալիքները սրընթաց ավելանան, ապա նույն արագությամբ երկրում կզարգանա նաև պաշտպանական տեխնիկան։
Հրամանատարը նաև հաստատել է, որ Իրանի ռազմական առաջընթացը ուղղված է միայն զսպմանը և սպառնալիք չի պարունակում հարևանների համար։
