Ռուսաստանի կողմից այս քայլը որոշակի ուղերձ էր, միևնույն է՝ Պուտինի հետ Փաշինյանի հարաբերությունները լարված են
ԱԺ «Հայաստան» խմբակցության պատգամավոր Արթուր Խաչատրյանը Լարսի անցակետում ստեղծված իրավիճակը կապեց հայ-ռուսական հարաբերություններում առկա լարվածության հետ։ «Ռուսաստանի կողմից այս քայլը որոշակի ուղերձ էր։ Խնդիրը միայն ՀԱՊԿ-ը չէ, հարցազրույցի ժամանակ այլ արտահայտություններ էլ են արվել»,-ասաց նա:Ակնհայտ է, որ որքան էլ Փաշինյանն ասեր ՌԴ-ի հետ հարաբերությունները շատ լավ են, հղում կատարեր Պուտինի հետ իր լավ հարաբերությունների վրա, հարաբերությունները խիստ լարված են, ու դա չի կարող իր անդրադարձը չունենալ հանրային տրամադրությունների վրա: Պարզ է, որ տիրապետելով քարոզչական հսկա ռեսուրսներին, հանրային կարծիք ձեւավորելու վրա իշխանության կարողությունը շատ մեծ է»,- ասաց պատգամավորը։
