Ադրբեջանցիների մնալը ՀՀ-ում կբերի հակամարտությունների հայերի հետ,կգան հատուկ պատրաստված մարդիկ՝ հատուկ նպատակներով, այդ ժամանակ էլ կմտնեն Ադրբեջանին և Թուրքիային զորքերը
Իլհամ Ալիևը, Euronews հեռուստաալիքին տված հարցազրույցում անդրադառնալով Ադրբեջանում հայկական փոքրամասնության և Հայաստանում ադրբեջանական փոքրամասնության թեմային, նշել է, որ խաղաղության պայմանագրում ամեն ինչ պետք է փոխադարձ լինի։ Եվ ասել է, որ եթե Ադրբեջանում հայկական փոքրամասնության հարցը ներառվի, ապա՝ «եկեք ներառենք 30 տարի առաջ Հայաստանից վտարված ադրբեջանական փոքրամասնության հարցը»։ Ի՞նչ վտանգների առաջ կկանգնի ՀՀ-ն, եթե սա իրականանա, և ի՞նչ հետևանքներ կարող է ունենալ «խաղաղության պայմանագիրը» ՀՀ համար․ այս հարցերի պատասխանը MediaHub-ի հետ զրույցում տվեց կովկասագետ, «Հայկական Նախագծի» համահիմնադիր Կարեն Իգիթյանը։
«Ալիևի այն խոսքերը, թե հայերը կարող են ապրել Արցախում, համապատասխանաբար, ադրբեջանցիները կարող են գալ Հայաստան, համարժեք չէ։ Արցախի ժողովրդի սուբյեկտիվությունը ճանաչվել է միջազգային մակարդակով և բանակցություններում ԵԱՀԿ Մինսկի խմբի շրջանակներում, որը հանգում էր նրան, որ Լեռնային Ղարաբաղի կարգավիճակը պետք է որոշվի նրա բնակչության, Լեռնային Ղարաբաղի ժողովրդի կամքով։ Հայաստանում ժամանակին ապրած ադրբեջանցիները նման սուբյեկտիվություն չունեն ու չի եղել»,- ասաց Իգիթյանը։
Նա նշեց, որ Հայաստանում ապրող ադրբեջանցիների ճնշող մեծամասնությունը, ի տարբերություն Ադրբեջանում ապրող հայերի ճնշող մեծամասնության, փոխհատուցում է ստացել Հայկական ԽՍՀ կառավարությունից՝ երկրաշարժի գոտում աղետի գոտում կորցրած գույքի համար, իսկ մյուս մասը կարողացավ փոխանակել կամ վաճառել իր բնակարանները․ «Հաշվի առնելով այն հանգամանքը, որ Ադրբեջանում շատ ավելի հայեր էին ապրում, Ադրբեջանում ապրող ոչ բոլոր հայերը կարողացան իրենց բնակարանները կամ տները փոխանակել ադրբեջանցիների հետ։ Իսկ Ադրբեջանի կառավարությունը նրանց ոչ մի փոխհատուցում չի վճարել»։
«Այսօր հայերն Ադրբեջանում ոչ մի կերպ պաշտպանված չեն կամայականության որևէ ձևից։ Իսկ ադրբեջանցիները եթե տեղափոխվեն Հայաստան ռազմաքաղաքական առումով, պաշտպանված կլինեն Թուրքիայի կողմից։ Այսինքն՝ նրանք Թուրքիայում կունենան ռազմաքաղաքական տանիք, որը թույլ կտա ազատ գործել։ Եվ մենք պետք է հասկանանք, որ եթե դա լինի, նրանք պատահական մարդկանցով չեն գա Հայաստան։ Նախ, մենք պետք է հասկանանք, որ Ադրբեջանն արդեն մեծացրել է մի ամբողջ սերունդ, որը մեծացել է ատելության վրա, և դա ուղղակիորեն հայտարարել է Իլհամ Ալիևը»,- ասաց քաղաքագետը։
Քաղաքագետն ասաց, որ հասարակ շարքային ադրբեջանցիները Հայաստանում չեն հաստատվի, Հայաստան են կանչվելու հատուկ պատրաստված մարդիկ՝ հատուկ նպատակներով։
«Ադրբեջանցիների մնալը կբերի հակամարտությունների հայերի հետ, որոնք այդ հակամարտությունները թույլ կտան Ադրբեջանին և Թուրքիային զորքեր մտցնել և միջամտել՝ արդեն ունենալով գոնե որոշ լեգիտիմ հիմքեր միջամտելու Հայաստանի ներքին գործերին և դրանով իսկ իսպառ ոչնչացնելու հայկական պետականությունը»,- եզրափակեց Իգիթյանը։
