Երևանն ու Բաքուն քննարկում են զորքերը պետական սահմանից դուրս բերելու հարցը
Հայաստանն ու Ադրբեջանը քննարկում են զորքերի դուրսբերումը պետական սահմանից, կողմերը դեռ որոշում չեն կայացրել։ Այս մասին այսօր Էստոնիայի ԱԳ նախարարի հետ համատեղ մամուլի ասուլիսի ժամանակ հայտարարել է Հայաստանի արտգործնախարար Արարատ Միրզոյանը։«Քննարկվել է և դեռ հուսով եմ կքննարկվի հայ-ադրբեջանական միջպետական սահմանից զորքերի հետքաշման հարցը։ Մենք քաշում ենք, զորքերի հետքաշումն իսկապես դրական ազդեցություն կունենա, կօգնի կանխել հետագա էսկալացիաները։ Չեմ կարող ասել, որ ունենք վերջնական պայմանավորվածություն, սա գաղափար է, որը քննարկվում է»,- ասաց նա։
.jpg)
