Բաքվի պահանջները դեռ բավարարված չեն.Ադրբեջանի և ՀՀ-ի միջև հակամարտությունը կարող է նորից բռնկվել նոր թափով
Vrubcovske.ru-ն գրում է, որ կա մտավախություն, որ Ադրբեջանի և Հայաստանի միջև հակամարտությունը կարող է նորից բռնկվել նոր թափով։ Համենայն դեպս, այսպես են կարծում փորձագետները, քանի որ Իլհամ Ալիևը վերջերս հստակ ակնարկել է տարածքային նոր պահանջների մասին։ Միաժամանակ կա կարծիք, որ Փաշինյանը հնարավոր անհրաժեշտ կերպով չի արձագանքել դրան, ինչպես սպասում էին իր հայրենակիցները, և որ այժմ Հայաստանի վարչապետն արդեն համաձայնել է երկրի կործանմանը։Անցյալ շաբաթ Իլհամ Ալիևն ասել է, որ Ջերմուկը (Հայաստան) ժամանակին եղել է ադրբեջանական քաղաք։ Ադրբեջանի ղեկավարը նաև պահանջել է Փաշինյանի կառավարությունից ճանապարհ տրամադրել Մեղրիով, բացել Զանգեզուրի միջանցքը և մոռանալ Հայաստանի տարածքով անցնող ադրբեջանական ապրանքների ստուգման մասին։ Ալիևը հայտարարել է, որ եթե Երևանը չհամաձայնի այդ պայմաններին, Հայաստանի և Ադրբեջանի սահմանը փակ կմնա։ Տեղեկանալով այդ պահանջների մասին Հայաստանի վարչապետը դրանք համարել է որպես «լուրջ հարված» խաղաղության գործընթացին։ Նիկոլ Փաշինյանը հիշեցրել է, որ Ադրբեջանի ղեկավարությունը հաստատել է իր հավատարմությունն Ալմա-Աթայի հռչակագրին, ըստ որի Հայաստանի Հանրապետության տարածքը ճիշտ նույնն է, ինչ Հայկական Խորհրդային Սոցիալիստական Հանրապետության տարածքը, իսկ Ադրբեջանի տարածքը ճիշտ նույնն է, ինչ Ադրբեջանական Խորհրդային Սոցիալիստական Հանրապետության տարածքը։ Ըստ այդմ, Ալիևի հնչեցրած պայմանները, ըստ Փաշինյանի, հակասում են վերոնշյալ հայտարարությանը: Ինչ վերաբերում է Հայաստանի նկատմամբ տարածքային պահանջներին, ապա դրանք բացարձակապես անընդունելի են, եզրափակել է վարչապետը։
«Հիմա հայերն արդեն դժգոհում են համարելով, որ ԼՂ-ն իրենց համար «վահանն» էր հարևաններից, և, կորցնելով այն, Փաշինյանը գործնականում երկիրը թողել է առանց լավ պաշտպանության։ Իսկ այն մասին, որ Ալիևը չի բավարարվելու ձեռք բերածով, վկայում է ոչ միայն այն, որ սահմանազատելու և սահմանագծելու նկատմամաբ դժկամություն է դրսևորում, այլ նաև շատ բաներ,- գրել է Rybar հեռագրային ալիքը, - Բաքվի հետագա պահանջները հեշտությամբ կարելի էր կանխատեսել նախապես»։
