ՀՀ-ի մարդասիրական ժեստը որպես շանտաժի և մեղադրանքների նոր առիթ.Ադրբեջանում սկսել են պահանջել թաղման վայրերի կոորդինատները
Բաքվում ականների մասին վերջերս ստացված տեղեկությունները փոխանցելու՝ Հայաստանի մարդասիրական ժեստը ընկալեցին որպես շանտաժի, սպառնալիքների և մեղադրանքների նոր առիթ։Հիշեցնենք, որ նախօրեին ՀՀ Ազգային անվտանգության ծառայությունը հայտարարել էր ադրբեջանական կողմին ականապատ տարածքների վերաբերյալ վերջերս հայտնաբերված տվյալները փոխանցելու մտադրության մասին։ Սակայն Բաքվում մարդասիրական ժեստը ընկալվեց իրականության սեփական այլասերված ըմբռնմանը համապատասխան։
Այսպես, հունվարի 25-ի ուշ երեկոյան Ադրբեջանի Հանրապետության արտաքին գործերի նախարարությունը հայտարարություն է տարածել, որում ասվում է, որ նրանք հայտարարություն են ստացել ՀՀ ԱԱԾ-ից՝ միաժամանակ թվարկելով բազմաթիվ սպառնալիքներ ու մեղադրանքներ։ Կշտամբանքներ է ստացել նաև ռուսական խաղաղապահ զորախումբը։
Ստացվել է, որ «հայկական կողմի ներկայիս հայտարարությունը վկայում է այն մասին, որ հիշյալ երկրի մտադրությունը չի նպաստում մարդասիրական գործընթացին, և այդ քայլը չի կարող դիտվել որպես վստահություն կառուցելու գործիք։ Ադրբեջանն ակնկալում է, որ Հայաստանը կտրամադրի բոլոր ականապատ տարածքների ճշգրիտ քարտեզները»։
Ավելին, Ադրբեջանում սկսել են պահանջել թաղման վայրերի կոորդինատները. «Սրա հետ մեկտեղ պետք է հրատապ միջոցներ ձեռնարկել՝ ապահովելու, որ Հայաստանը տեղեկատվություն տրամադրի վերջին 30 տարվա ընթացքում անհետացած մոտ 4000 ադրբեջանցիների ճակատագրի, ինչպես նաև ադրբեջանցիների զանգվածային գերեզմանների վայրերի մասին»։
