Ալեն Սիմոնյանի եղբոր կինը երկու ամսով կալանավորվեց
Ալեն Սիմոնյանի եղբոր կնոջը՝ Անի Գևորգյանին երկու ամսով կալանավորեցին:Ավելի վաղ հայտնել էինք, որ «Սիներջի» ընկերության գլխավոր տնօրեն ու հիմնադիր Աշոտ Հովհաննիսյանը երկու ամսով կալանավորվել է։ Աշոտ Հովհաննիսյանը նաև «Վիցե միսս Եվրոպա-2005» գեղեցկության մրցույթում հաղթած հաղորդավարուհի Լուսինե Թովմասյանի սկեսրայրն է։
Հիշեցնենք, որ ավելի վաղ հայտնի էր դարձել, որ նախօրեին ձերբակալվել է ԱԺ նախագահ Ալեն Սիմոնյանի եղբոր` Կառլեն Սիմոնյանի կինը` Անի Գևորգյանը:
Ըստ մամուլի՝ վերջինս երկար տարիներ աշխատել է IT ամենահայտնի կազմակերպություններից մեկում` «Սիներջիում»` ծրագրերի ղեկավար է եղել: Մոտ մեկուկես տարի առաջ «Սիներջին» էկոնոմիկայի նախարարության հայտարարած տենդերներից մեկին է մասնակցել: Ահա սա էլ հիմք է դարձել վերջին օրերի ձերբակալությունների համար:
