Քաղցկեղի որ տեսակներն են ժառանգաբար փոխանցվում
Ուռուցքաբան Յուլիա Շուբինան թվարկել է քաղցկեղի այն տեսակները, որոնք կարող են փոխանցվել ժառանգաբար: Նա ասել է, որ կրծքագեղձի և ձվարանների քաղցկեղը, հաստ աղիքի քաղցկեղի որոշ տեսակներ և մեդուլյար վահանաձև գեղձի քաղցկեղը կարող են փոխանցվել ծնողներից երեխաներին:«Օրինակ՝ կրծքագեղձի քաղցկեղը, ձվարանների քաղցկեղը, վահանաձև գեղձի քաղցկեղի որոշակի տեսակ (մեդուլյար քաղցկեղ) և հաստ աղիքի քաղցկեղի որոշ տեսակներ կարող են ժառանգաբար փոխանցվել», - Շուբինայի խոսքերն է մեջբերում FederalPress-ը:
Նրանց, ում ծնողներն ունեցել են քաղցկեղի այս տեսակները, մասնագետը խորհուրդ է տալիս համապատասխան հետազոտություններ անցնել և վերահսկել իրենց առողջությունը։ Բժիշկը խորհուրդ է տալիս կանանց հետազոտություն անցնել ձվարանների և կրծքագեղձի քաղցկեղի զարգացման գենետիկ ռիսկի համար։ Վահանաձև գեղձի քաղցկեղը հնարավոր է հայտնաբերել՝ օգտագործելով կալցիտոնին հորմոնի թեստը, իսկ աղիների պոտենցիալ պաթոլոգիան՝ կանոնավոր կոլոնոսկոպիայի միջոցով, ասել է բժիշկը։
