Ո՞վ է այն, շատերի կողմից չընդունված, անձը ՀՀ արտաքին հետախուզության ծառայությունում, ով վայելում է վարչապետի մեծ վստահությունը
Tsargrad.tv-ն գրում է, որ անփորձ Հրանտ Ջիլավյանը դարձել է Հայաստանի Արտաքին հետախուզության ծառայության պետի տեղակալ:Հայաստանի կառավարության ղեկավարը որոշել է 29-ամյա Հրանտ Ջիլավյանին նշանակել Արտաքին հետախուզության ծառայության (ԱՀԾ) պետի տեղակալ։ Հայտնի է, որ Ջիլավյանն իր բարձրագույն կրթությունը ստացել է ընդամենը 4 տարի առաջ, որից հետո հետո աշխատանքի է անցել Երևանի պետական համալսարանում և Մարդու իրավունքների պաշտպանի գրասենյակում։
Yerevan Observer հեռագրային ալիքը պարզել է, որ Հայաստանի անվտանգության համակարգում դեմ են եղել այդ նշանակմանը Ջիլավյանի համապատասխան փորձի բացակայության պատճառով։ «Ուժայինները նշել են, որ Ջիլավյանն անփորձ է և չի վերապատրաստվել ԿՀՎ-ում, ինչպես ԱՀԾ-ի մյուս ղեկավարները», - պնդել է հեռագրային ալիքի աղբյուրը։
Թե դրանից հետո ինչպես ի վերջո Հրանտ Ջիլավյանը ստացավ իր պաշտոնը, մեծ հարց է։ Նրա որակները, ըստ երևույթին, շատ է հավանել ԱՀԾ-ի պետ Քրիստինա Գրիգորյանը, ում ղեկավարությամբ Ջիլավյանն արդեն իսկ աշխատել է։
Հայկական հետախուզության պետի նոր տեղակալի մասին տեղեկությունները սոցիալական ցանցերի ռուսալեզու բազմաթիվ օգտատերերի մոտ ծիծաղ են առաջացրել։ Օրինակ, աղջիկներից մեկը գրել է հետևյալը. «Հա, մեկ էլ տեսար ինչ-որ նոր շրջանավարտ դառնա նախագահ, նրանք ընդհանրապես փորձ չունեն, ինչի՞ կարող են հասնել իրենց պաշտոնում, նրանք դեռ ճտեր են, որոնք վերջերս դուրս են եկել ձվից»:
