Վարչախումբը լայնածավալ պաշտոնանկությունների է պատրաստվում.թիրախում է նաև Ալեն Սիմոնյանը
Փաշինյանական վարչախումբն առաջիկա օրերին հերթական խոշոր վերադասավորումներն է իրականացնելու, ինչպես քաղաքական իշխանության, այնպես էլ ռազմական ղեկավարության շրջանում։ Գլխավոր շտաբում իրականացված փոփոխությունները, ինչպես նաև էկոնոմիկայի նախարար Վահան Քերոբյանի ազատումն ընդամենը նախերգանքն են։ՔՊ մեր աղբյուրի փոխանցամամբ՝ Փաշինյանն առաջիկայում մտադիր է ամբողջությամբ ավարտին հասցնել բանակում ռուսական հետագծով և ռուսական կրթությամբ բարձրագույն զինվորականների հեռացումը և նրանց փոխարեն ՆԱՏՕ-ի կուրսեր անցած և արևմտյան կրթություն ստացած զինվորականների նշանակումը, ընդ որում մի շարք դեպքերում նույնիսկ հետ են կանչում թոշակի անցած զինվորականներին, նրանց առաջարկում բարձր պաշտոններ գլխավոր շտաբում և բանակային զորամիավորումներում։ Ինչ վերաբերում է քաղաքական իշխանությանը, այստեղ ևս իրավիճակը չափազանց թեժ է։
Մեր աղբյուրի փոխանցմամբ՝ Փաշինյանն առնվազն մի քանի նախարարների և մարզպետների մտադիր է հեռացնել իրենց աշխատանքից։ Փաշինյանի թիրախում նաև Ազգային ժողովի նախագահ Ալեն Սիմոնյանն է։ Բոլոր այդ անձանց գործող վարչախմբի պարագլուխը կասկածում է իր նկատմամբ հնարավոր դավադրության մեջ։ Հատկապես աշխարհաքաղաքական իրավիճակի սրման և Ռուսաստանից հնչող կոշտ զգուշացումների ֆոնին՝ Փաշինյանը մտածում է, որ հնարավոր է իր դեմ հեղաշրջում են նախապատրաստում, որին կարող են մասնակից լինել ինչպես քաղաքական ուժերը, այնպես էլ մի շարք ուժային կառույցներ։
Առաջիակայում Նիկոլ Փաշինյանը նաև մտադիր է վերականգնել առաջին փոխվարչապետի պաշտոնը և այդ պաշտոնին նշանակել համոզված արևմտամետի, Միացյալ Նահանգների և Եվրամիության երկրների հետ աշխատելու ոչ միայն ֆինանսական, այլ նաև քաղաքական հարցեր քննարկելու նպատակով։ Առայժմ շրջանառվում է «Հանրապետություն» կուսակցության նախագահ Արամ Սարգսյանի թեկնածությունը։
1or.am
