ՀՀ-ն սառեցրել է իր մասնակցությունը ՀԱՊԿ-ին. Փաշինյան
Հայաստանի նկատմամբ Հավաքական անվտանգության պայմանագիրը չի կատարվել, ուստի Երևանը սառեցրել է իր մասնակցությունը կազմակերպությանը: «France24» հեռուստաալիքին տված հարցազրույցում հայտարարել է ՀՀ վարչապետ Նիկոլ Փաշինյանը, որը պաշտոնական այցով գտնվում էր Ֆրանսիայում:
«Մեր կարծիքով՝ հատկապես 2021-2022 թվականներին, Հավաքական անվտանգության պայմանագիրը չի կատարվել Հայաստանի նկատմամբ, և դա չէր կարող անտեսվել մնալ մեր կողմից։ Մենք սառեցրել ենք մեր մասնակցությունն այդ պայմանագրին։ Տեսնենք, թե ինչ կլինի հետո», - ասել է Փաշինյանը։
Պատասխանելով Հայաստանում ռուսական ռազմաբազայի հնարավոր փակման մասին հարցին՝ ՀՀ վարչապետն ընդգծել է, որ «այս պահին դա չի քննարկվում»։
Նիկոլ Փաշինյանը նաեւ նշել է, որ Ադրբեջանը պատրաստվում է նոր հարձակման Հայաստանի դեմ: