Ադրբեջանի ՊՆ ղեկավարը կարգադրել է մեծացնել զորավարժությունների ինտենսիվությունը՝ օգտագործելով ժամանակակից սպառազինություն, տեխնիկա
Ադրբեջանի պաշտպանության նախարար Զաքիր Հասանովը կարգադրել է մեծացնել զորավարժությունների ինտենսիվությունը և գործնական պարապմունքները երկրի զինված ուժերի ստորաբաժանումներում։ Այս մասին Հասանովը պատվիրել է հանրապետության զինված ուժերի կենտրոնական հրամանատարական կետում տեղի ունեցած պաշտոնական խորհրդակցության ժամանակ, հաղորդում է Ադրբեջանի ՊՆ մամուլի ծառայությունը։«Գեներալ-գնդապետ Հասանովը նշել է զորավարժությունների և գործնական պարապմունքների ինտենսիվության հետագա ավելացման կարևորությունը՝ օգտագործելով ժամանակակից սպառազինություն, տեխնիկա»,- ասվում է հաղորդագրության մեջ։
Ադրբեջանի պաշտպանության նախարարը հավելել է, որ զինվորականներին հանձնարարվել է պահպանել մարտական պատրաստվածության բարձր մակարդակ զորամասերում։
