Անհանգստացնող է թուրքերի համար.Քրիստոնյա միսիոներներն անվճար Ավետարան են առաքում Թուրքիայում
Սոցիալական հարթակներում գովազդային լայն գործունեություն ծավալած քրիստոնյա միսիոներներն անվճար Ավետարան են առաքում ամբողջ Թուրքիայում։ Այս անգամ նրանք նման գովազդ են տեղադրել Facebook-ում։Այդ մասին, Akunq.net-ի փոխանցմամբ, հայտնում են թուրքական լրատվամիջոցները։
Թուրքական մամուլում տպագրված հրապարակումների հեղինակներն անհանգստություն են հայտնում այդ փաստի կապակցությամբ՝ նշելով, թե քրիստոնյա միսիոներները ամեն օր նորանոր մեթոդներ և ուղիներ են որոնում՝ Թուրքիայում քրիստոնեությունը տարածելու նպատակով։
Ըստ թուրքական լրատվամիջոցների՝ Facebook-ում հրապարակված գովազդում նշված է՝ «Ցանկանու՞մ եք անվճար Ավետարան ստանալ»։ Նման գովազդների միջոցով նրանք ոչ միայն թուրքերեն Ավետարան, այլ նաև կրոնական բնույթի այլ գրքեր են առաքում։
