Ռաֆահում իսրայելական բանակի գործողության ժամկետն արդեն համաձայնեցված է. Նեթանյահու
Նեթանյահուն հայտարարել է, որ Ռաֆախում գործողության մեկնարկի ամսաթիվը համաձայնեցված էԻսրայելի վարչապետ Բենիամին Նեթանյահուն հայտարարել է, որ Գազայի հատվածի հարավում գտնվող Ռաֆահում իսրայելական բանակի գործողության մեկնարկի ժամկետն արդեն համաձայնեցված է։
Այս մասին փոխանցում է ՌԻԱ Նովոստին։
«Այսօր ես մանրամասն զեկույց ստացա Կահիրեում բանակցությունների՝ պատանդների ազատ արձակման վերաբերյալ, մենք անընդհատ աշխատում ենք մեր նպատակներին հասնելու համար, առաջին հերթին դա վերաբերում է մեր բոլոր պատանդների ազատմանը և ՀԱՄԱՍ-ի դեմ լիակատար հաղթանակի հասնելուն։
Այս հաղթանակի համար անհրաժեշտ է մտնել Ռաֆահ և վերացնել այնտեղ մնացած ահաբեկչական գումարտակները։
Դա տեղի կունենա. կա ժամկետ», - ասել է Նեթանյահուն։
