Դատավորը ևս երեք ամսով երկարաձգեց Արմեն Աշոտյանի կալանքը
Դատավոր Վահե Դոլմազյանն այսօր անփոփոխ թողեց ՀՀԿ փոխնախագահ Արմեն Աշոտյանի խափանման միջոց կալանքը։ Նրա խոսքով՝ որևէ էական հանգամանք չի փոխվել այս ընթացքում, որ խափանման միջոցը փոխվի։«Ուստի, դատարանը գտնում է, որ կալանքի ժամկետը պետք է հետաձգել ևս երեք ամիս ժամանակով։ Հետևաբար, դատարանը, ղեկավարվելով Քրեական դատավարության օրենսգրքի հոդվածներով, որոշեց՝ սույն գործով մեղադրյալ Արմեն Գևորգի Աշոտյանի նկատմամբ որպես խափանման միջոց կիրառվող կալանքը երկարաձգել ևս երեք ամսով»,- ասաց դատավորը։
