Տեսանյութ.Տեղի ունեցավ արցախցի նկարիչ, քանդակագործ Արկադի Մկրտչյանի «Արցախի փրկված և կորսված արվեստը» խորագրով ցուցահանդեսը
Հայաստանի նկարիչների միության պատկերասրահում տեղի ունեցավ արցախցի նկարիչ, քանդակագործ Արկադի Մկրտչյանի «Արցախի փրկված և կորսված արվեստը» խորագրով անհատական ցուցահանդեսի բացումը։ Ցուցահանդեսին ներկայացվեցին վարպետի 31 փրկված կտավները: Հինգ հարյուրից ավելի նկարներից փրկվել են միայն 31-ը, մնացածը՝ Ա.Մկրտչյանի քանդակների հետ միասին, մնացել են Արցախում։ Էկրանին ցուցադրվեց նաև վարպետի կորսված գործերի լուսանկարները:Ցուցահանդեսը Երևանում տևեց 2 օր։ Այնուհետև նկարչի անհատական ցուցահանդեսները, հանդիպումներն ու վարպետաց դասերը կանցկացվեն Իսպանիայում, Իտալիայում, ԱՄՆ-ում և Կանադայում։ Հրավերը արվեստագետը ստացել է խոշոր գալերիստից, ով ծանոթ է վարպետի գործերին 2015 թ-ից։ Միջազգային ցուցահանդեսները կհամալրվեն մասնավոր հավաքածուներից տրամադրված նկարչի կտավներով, ինչպես նաև նոր գործերով։
