Տեսանյութ.Սահմանը արդեն զինվորը գծել է, ի՞նչ ենք հետ տալիս. ի՞նչ իմաստ ունի թշնամուն բերել մեր քթի տակ
Տավուշի մարզի Կիրանց գյուղ է ժամանել ՀՀ ՆԳ նախարար Վահե Ղազարյանը:Արդեն տևական ժամանակ է, որ գյուղացիները փակել են ճանապարհը և հրաժարվում են բացել այն, պահանջում են գործընթացի կասեցում։
«Տավուշի մարզպետն ինչ ասել է, ճիշտ է ասել: Ընդհուպ, որ երեկ մարզպետը եկել է անվտանգության խորհրդի նիստին, ճիշտ է ասում, ձեզ մտահոգող բոլոր հարցերը բարձրացված են: Մարզպետը նաև ասել է, որ մարդիկ պետք է ներկա լինեն այդ սահմանազատման աշխատանքներին: Մարդիկ, բան չիմանալով, գալիս կողքից խառնում են: Ես եկել եմ ասեմ՝ ժողովուրդ ջան, ձեզ խաբող չկա, ձեր հետևից սև գործ անող չկա, ամեն ինչից տեղյակ եք լինելու»,-նշեց ՆԳ նախարարը:
Բնակիչներից մեկն էլ արձագանքեց նրա խոսքերին. «Սահմանն արդեն զինվորը գծել է, ի՞նչ ենք հետ տալիս, վրեժ ե՞ք լուծում, ի՞նչ իմաստ ունի թշնամուն բերել մեր քթի տակ»:
«Մենք մեր ունեցած սահմանից չպետք է շեղվենք, եթե ուզում ենք խաղաղություն լինի։ Բաներ կան, որ չեմ կարող հրապարակային ասել, կարող ենք գնալ, փակ հանդիպել, ես բացատրեմ»,-պատասխանեց նախարարը:
