Կա թե ներքին ճնշում՝ հասարակության վրա, թե ճնշում՝ թշնամու կողմից. Տավուշը միայն Տավուշ չէ, սա վերաբերում է ՀՀ-ին՝ թե՛ մայրաքաղաքին, թե՛ մնացած հատվածներին
«Դեմարկացիայի ու դելիմիտացիայի գործընթացի այս միջավայրը անընդունելի է ցանկացած դիվանագետի համար։ Մթնոլորտը ճնշող է»,-այսօր տեղի ունեցած ասուլիսում հայտարարել է ՀՀ արտագքին գործերի նախարարի նախկին տեղակալ Ավետ Ադոնցը՝ արձանագրելով, որ ճնշումն ակնհայտ է ու բազմաշերտ։«Կա ներքին ճնշում՝ հասարակության վրա, որ եթե չանենք կլինի պատերազմ, ճնշում կա թշնամու կողմից, ճնշում կա միջազգային հանրության կողմից,-արձանագրել է դիվանագետը։
Նա արձանագրել է, որ միակողմանի զիջումներն անընդունելի են։
«Գնալ միակողմանի զիջման, բերել լոկալիզացնել այս կամ այն տարածաշրջանում տեղի ունեցող զարգացումները, մասնավորապես, եթե խոսքը վերաբերվում է Տավուշին, սա հեռանկար չունի։ Տավուշը միայն Տավուշ չէ, սա վերաբերում է Հայաստանին՝ թե՛ մայրաքաղաքին, թե՛ մնացած հատվածներին»,-նշել է նա։
