Հիմա արդեն մենք չենք ուզում, որ ոստիկանները գնան.Կիրանցի բնակիչներն իրենց տներում արդեն վախենում են իրենց անվտանգության համար՝ ադրբեջանցու ճանապարհը բաց է
Կիրանցի բնակիչներն իրենց տներում արդեն վախենում են իրենց անվտանգության համար՝ ադրբեջանցու ճանապարհը բաց է, ականներն՝ ականազերծված։ Ինչպես «Փաստինֆո»-ի հետ զրույցում նշեց Կիրանցի բնակչուհին, եթե նախօրեին մեծ թվով ոստիկանների ու ԱԱԾ աշխատակիցների ներկայությունը բացասական էր ազդում բնակիչների վրա, ապա այսօր արդեն իրենք չեն ցանկանում, որ նրանք հեռանան, թեեւ մի քանի ավտոբուս ոստիկան արդեն հեռացել է։«Երեք «Գազել»՝ բերետավորներով, երկու ավտոբուս՝ այլ ոստիկաններով, այստեղ են»,-փոխանցեց բնակչուհին՝ նշելով, որ այս պահին գյուղում ոչինչ չի կատարվում։
«Երեկ ականազերծել են, թե ինչու են ոստիկանները գյուղում մնացել չգիտեմ, բայց հիմա արդեն մենք էլ չենք ուզում, որ գնան ոստիկանները, երեկ ականները հանել են, անվտանգ չենք զգում մեզ»,-ասաց նա։
