Իրանի կառավարությունը պնդում է՝ ոչ ոք չօգնեց իրենց ուղղաթիռի բեկորների որոնման գործընթացում
Իրանի կառավարությունը պնդում է, որ օտարերկրացիները ներգրավված չեն եղել նախագահ Էբրահիմ Ռաիսիի ուղղաթիռի բեկորների որոնման գործընթացում։Տեղեկությունը հայտնում է IRNA-ն։
Իրանի Կարմիր մահիկի ընկերության ղեկավար Փիր Հոսեյն Քոլիվանդը հայտարարել է, որ լուրերն այն մասին, թե Իրանը նախագահի ուղղաթիռի բեկորները հայտնաբերելու հարցում ապավինել է արտաքին աջակցությանը, ասեկոսեներ են։
Նա հավելել է, որ ուղղաթիռի բեկորների որոնման գործընթացն ամբողջությամբ իրականացրել են իրանական փրկարարական ջոկատները։