Հուլիսին սպասվում են հերթական զիջումները՝ Տավուշի և Արարատի մարզերում, ինչպես նաև պահանջներ կան Սևանի հատվածում
Սրբազան շարժման վերաբերյալ արձագանքները թշնամական երկրներում ցույց են տալիս, որ այնտեղ անհանգստացած են։ Տեսնում են, որ իշխանափոխության հնարավորություն կա, ինչը իրենց մոտ անհանգստություններ է առաջացնում։ Խոսքը գնում է ոչ թե պարզ իշխանափոխության մասին, այլ հասարակական տրամադրության փոփոխության, հասարակական համերաշխության մասին։ «ՓաստԻնֆոյի» եթերում ասել է թյուրքագետ, պ․գ․թ․ Վարուժան Գեղամյանը։Բանախոսի դիտարկմամբ, Թուրքիայում և Ադրբեջանում կա որոշակի անհանգստություն, որ այդ ուժը այլև ներկա չի լինի Հայաստանի քաղաքական դաշտում, հետևաբար, դա փոփոխելու է Ադրբեջանի և Թուրքիայի հաշվարկները՝ մեր տարածաշրջանի հետ կապված։ Տարբեր ձևերով և ձևաչափերով սկսում են արձագանքել տեղի ունեցածին՝ և՛ ժողովրդական, և՛ պետական-պաշտոնական ու ռազմաքաղաքական մակարդակներում։ Նմանատիպ հայտարարությունները նաև Հայաստանի ներքին գործերին միջամտություն է, որը խախտում է այսպես կոչված ինքնիշխանությունը։
Թյուրքագետը նշում է, որ այսպես կոչված սահմանազատման գործընթացը բաժանված է մի քանի փուլերի, որոնցից առաջինին ենք ականատես լինում՝ ոչ ամբողջությամբ։ Հուլիսին սպասվում են հերթական զիջումները՝ Տավուշի և Արարատի մարզերում, ինչպես նաև պահանջներ կան Սևանի հատվածում, որը զիջումների է բերելու Գեղարքունիքում և Վայոց ձորում։
