Ակտիվ սեքսը կարող է պաշտպանել կանանց սիրտ-անոթային հիվանդություններից, ինսուլտից եւ ճարպակալումից
Սեքսը կարող է պաշտպանել կանանց սթրեսի բացասական ազդեցությունից։ Այս մասին տեղեկացրել է New York Post-ը (NY Post)՝ հղում կատարելով Սան Ֆրանցիսկոյի Կալիֆոռնիական համալսարանի գիտնականներին։Հետազոտությանը մասնակցել է 20-50 տարեկան 183 կին։ Նրանք բոլորը եղել են աուտիստական սպեկտրի խանգարումներ ունեցող երեխաների մայրեր։
Նրանց մոտ, ովքեր տեղեկացրել են առնվազն մեկ սեռական ակտիվության ակտի մասին դիտարկման մեկ շաբաթվա ընթացքում, ավելի ցածր է եղել մետաբոլիկ խանգարման վտանգը։ Այն գնահատել են ինսուլինի եւ լեպտին եւ գրելին հորմոնների մակարդակներով։
Արդյունքները կարող են նշանակել, որ մշտական սեռական ակտիվությունը կարող է պաշտպանել կանանց քրոնիկական սթրեսի հետեւանքներից՝ սիրտ-անոթային հիվանդություններից, դիաբետից, դեպրեսիայից, ինսուլտից եւ ճարպակալումից։ Դա կարող է կապված լինել սեքսի դրական ազդեցության հետ քնի կամ սթրեսի մակարդակի վրա։ Նաեւ ցույց է տրվել, որ ցանկացած ֆիզիկական ակտիվություն իջեցնում է մետաբոլիկ խանգարումների հավանականությունը։ Եզրահանգումների հաստատման համար անհրաժեշտ են ավելի շատ հետազոտություններ, ընդգծել են հեղինակները։
