Այդ ի՞նչ եք տեսել Կիրանցում, որ անսահման հպարտություն եք ապրել՝ քանդված շինություննե՞ր, հանձնվելիք ճանապա՞րհ, Ադրբեջանի դրո՞շ
Նախօրեին ՔՊ-ական պատգամավորներն այցելել են Տավուշի մարզ, հետևել սահմանազատված հատվածների ամրաշինական աշխատանքներին։ ՔՊ-ական Լուսինե Բադալյանը նույնպես եղել է նրանց թվում։
Նա մեկնաբանություն է արել. «Ես անսահման հպարտ եմ իմ տեսածով, թող «երկիր քանդելը» այսպես լինի»։
ՔՊ-ականի այս մեկնաբանությունն արձագանքել է կիրանցեցի Գոհար Վարդանյանը. «Տիկին Լուսինե Բադալյան, այդ ինչ եք տեսել Կիրանցում որ անսահման հպարտություն եք ապրել ?:)
Քանդված շինությունները? մարդկանց այգիներով, վարելահողերով անցնող սահմանային փշալարերը? Հանձնվելիք ճանապարհը և կամուրջը?
Միգուցե դպրոցից 60 մետր ներքև կառուցվող պատը ? Ադրբեջանի դրոշը ?
Ինչ եք տեսել ? Ասեք մենք էլ տեսնենք: հպարտանանք ձեզնով»։