Տեսանյութ.Իսպանիան դարձավ Եվրոպայի քառակի չեմպիոն՝ հաղթելով Անգլիայի հավաքականին
Բեռլինում Իսպանիայի և Անգլիայի հավաքականները վիճարկեցին 2024 թվականի Եվրոպայի առաջնության չեմպիոնի տիտղոսը։Առաջին խաղակեսում թիմերն ընդմիջման գնացին 0-0 հաշվով։
Հանդիպման երկրորդ խաղակեսն իսպանացիները շատ ակտիվ սկսեցին․ հենց մեկնարկում հաշիվը բացեց Իսպանիայի հավաքականի ֆուտբոլիստ Նիկո Ուիլյամսը՝ Յամալի փոխանցումից հետո։
73-րդ րոպեին Անգլիային հաջողվեց հավասարեցնել խաղի հաշիվը։ «Ռեալի» կիսապաշտպան Ջուդ Բելլինգհեմն փոխանցում կատարեց փոխարինման մտած Քոուլ Պալմերին, ով հեռահար հարվածով հավասարեցրեց խաղի հաշիվը։
86-րդ րոպեին իսպանացիները 2-րդ ու հաղթական գնդակն ուղարկեցին Անգլիայի դարպասը։ Պաշտպան Մարկ Կուկուրելյայի փոխանցումից հետո Ջորդան Պիքֆորդի դարպասը գրավեց փոխարինման մտած Միկել Օյարսաբալը հաշիվը դարձնելով 2-1։
Հանդիպման մնացած ժամանակահատվածում այլևս գոլեր չգրանցվեցին և Իսպանիան ռեկորդային՝ չորրորդ անգամ դարձավ Եվրոպայի չեմպիոն։
