Հայաստանը միտումնավոր ժամանակ է ձգում, նոր զինատեսակներ է գնում Ֆրանսիայից և այլ երկրներից
Օգոստոսի 30-ին Ադրբեջանի նախագահ Իլհամ Ալիևն ընդունել է Թուրքիայի Ազգային մեծ ժողովի պատվիրակությանը` ադրբեջանա-թուրքական միջխորհրդարանական բարեկամության խմբի ղեկավար Շամիլ Այրիմի գլխավորությամբ։Հանդիպմանն Իլհամ Ալիևն անդրադարձել է տարածաշրջանում տիրող իրավիճակին և հայտարարել, որ Ադրբեջանը «հանդես է գալիս կայուն խաղաղության օգտին»։
Ալիևն ընդգծել է, որ դրա համար «Հայաստանի Սահմանադրությամբ պետք է վերացվեն տարածքային պահանջներն Ադրբեջանի նկատմամբ, Սահմանադրությունը փոփոխվի»։
Իլհամ Ալիևն ասել է, որ «ԵԱՀԿ Մինսկի խումբը և հարակից կառույցներն արդեն անցյալի մասունք են և պետք է ամբողջությամբ լուծարվեն»։
Նա ընդգծել է, որ «Հայաստանը միտումնավոր ժամանակ է ձգում, նոր զինատեսակներ է գնում Ֆրանսիայից և արևմտյան այլ երկրներից, իր տարածքում երրորդ կողմերի հետ զորավարժություններ է անցկացնում»։
