Արցախը լուծարելու փաստաթղթին Փաշինյանը ծայրից ծայր տեղյակ է եղել
Նիկոլ Փաշինյանն ամեն ինչ արել է Արցախը մենակ թողնելու համար, ամեն ինչ արել է, որ Արցախը չլինի: Արցախի ժողովուրդը 9 ամիս հերոսաբար պայքարել է, այնուհետև հարձակում է տեղի ունեցել Ստեփանակերտի մատույցներում, և երբ արդեն թշնամին էթնիկ զտումներ էր անում և ցեղասպանվելու էր 100 հազարից ավել մարդ, ստիպված ստորագրել են մի փաստաթուղթ, որի մասին Նիկոլ Փաշինյանը ծայրից ծայր տեղյակ է եղել: Այս մասին հայտարարել է ՀՀ ԱԺ պատգամավոր, ՀՅԴ անդամ Գառնիկ Դանիելյանը:«Փաշինյանը տեղյակ է եղել և հարձակման մասին, և փաստաթղթի բովանդակությունից: Այն օրերին, երբ մեր քույրերն ու եղբայրները ցեղասպանվում էին Արցախում, նա ուղիղ եթերում ասում էր, որ Արցախի ժողովրդին վտանգ չի սպառնում»,-ասել է Դանիելյանը:
