Վրաստանի տուրիստական գործակալությունը հեռացրել է Լոռու մարզին վերաբերող աղմկահարուց գրառումը, որով կիսվել էր Զուրաբիշվիլին
Ինչպես տեղեկացրել էինք, Վրաստանի նախագահ Սալոմե Զուրաբիշվիլին ֆեյսբուքյան էջում կիսվել է վրացական զբոսաշրջային կազմակերպության գովազդային հրապարակմամբ:Կազմակերպությունը, որը տուրեր է կազմակերպում դեպի ՀՀ Լոռու մարզ, հայտարարության մեջ գրել է.
«Մեկ այլ տխուր, բայց պարտադիր շրջագայություն... Պատմական Վրաստան։ Յուրահատուկ մշակույթ, որը ցավոք մնաց Լոռիում։ Հիշենք և փառաբանենք հավերժական, առեղծվածային և մեծ Վրաստանը»։
Հրապարակման մեջ ներկայացված են եղել Ախթալայի, Հաղպատի, Սանահինի, Օձունի վանքերը:
Ժամեր անց կազմակերպությունը նախ խմբագրել է աղմկահարույց հրապարակումը, այնուհետև իր էջից հեռացրել է այն։
