Մոսկվան չի դրդում Երևանին և Բաքվին հապճեպ խաղաղության պայմանագիր կնքել
Մոսկվան չի դրդում Երևանին և Բաքվին հապճեպ խաղաղության պայմանագիր կնքել, սակայն ԱՄՆ-ի և ԵՄ-ի՝ Ռուսաստանին հեռացնելու ցանկությունը մեծացնում է ռիսկերը: «ՌԻԱ Նովոստի»-ին տված հարցազրույցում ասել է ՌԴ արտաքին գործերի նախարար Սերգեյ Լավրովը։Նրա խոսքով՝ ռուսական կողմը վստահ է, որ «հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի, ընդհակառակը, կստեղծի լարվածության լրացուցիչ ռիսկեր հակամարտության հնարավոր սրացում»
Լավրովի կարծիքով՝ կարևոր է ամրապնդել խաղաղության գործընթացը «տարածաշրջանային պարադիգմում, բարեկամների՝ Հարավային Կովկասի երկրների և հարակից գործընկեր պետությունների միջև՝ բացառելով արտաքին կործանարար միջամտությունը»։
ՌԴ ԱԳ նախարարը նաև ընդգծել է, որ Վաշինգտոնի և Բրյուսելի՝ Ռուսաստանին հայ-ադրբեջանական հարաբերությունների կարգավորման գործընթացից հեռացնելու ցանկությունը միայն մեծացնում է անվտանգության սպառնալիքները տարածաշրջանում։
