Թրամփի համակիր Ջոել Թենին կզբաղեցնի ՀՀ-ԱՄՆ հարաբերությունների ամրապնդմանն ուղղված պաշտոն
Քրիստոնեական քարոզիչ, Ավետարանական եկեղեցու անդամ և Միացյալ Նահանգների ընտրված նախագահ Դոնալդ Թրամփի համակիր Ջոել Թենին հայտարարել է, որ ապագա նախագահի երդմնակալության արարողությունից հետո կզբաղեցնի պաշտոն, որը վերաբերում է Հայաստանի և ԱՄՆ-ի միջև հարաբերություններին։«Հաստատված է. ես պաշտոնապես ստանձնելու եմ մի դեր՝ նվիրված Միացյալ Նահանգների և Հայաստանի միջև հարաբերությունների ամրապնդմանն ու զարգացմանը։ Լրացուցիչ մանրամասները կհետեւեն երդմնակալությունից հետո:
Ես խորապես երախտապարտ եմ բոլոր նրանց, ովքեր կանգնել են իմ կողքին և այս ճանապարհորդության ընթացքում նման բարությամբ աջակցել են ինձ և իմ ընտանիքին:
Թող Աստված օրհնի մեր երկու ազգերին՝ առաջնորդելով նրանց Իր արդարությամբ ու պարգևելով շարունակվող բարգավաճում»,- գրել է նա իր ֆեսյբուքյան էջում։
