Ստացվում է սուտ եմ ասել, սրանից հետո ժամկետ խախտվեց, անձնական պատասխանատվություն է լինելու
Արմավիրի մարզի Այգեվան համայնքում մոդուլային տիպի 144 տեղ հզորությամբ մանկապարտեզը ավարտական փուլում է, հիմա էլ գույքի ստացման գործընթացն է և գազամատակարարման հետ կապված վերջին հարցերն են լուծվում, այս տարվա ընթացքում մանկապարտեզը կբացվի: Այս մասին կառավարության նիստի ժամանակ ասաց ՏԿԵ նորանշանակ նախարար Դավիթ Խութադյանը:«Բայց այդպես էինք պլանավորո՞ւմ, մանկապարտեզը չպե՞տք է աշխատեր արդեն»,- ասաց վարչապետը:
Արձագանքելով՝ նախարարն ասաց, որ բացումը պլանավորված էր հոկտեմբերին, սակայն գազի միացման հետ կապված խնդիրներ են առաջացել:
«Բայց, որ գալիս ենք այցի, գոնե մի ասեք, որ հոկտեմբերին բացվելու է: Հիմա գյուղի ժողովուրդը տեսել է չէ՞, տեսախցիկների առաջ ասել եմ՝ երբ է բացվում, ասել եք հոկտեմբերին: Հիմա չստացվե՞ց, որ սուտ ասացի, ստացվեց, ես զգուշացնում եմ, սրանից հետո մի հատ ժամկետ խախտվեց, կոնկրետ անձնական պատասխանատվություն է լինելու»,- ասաց Փաշինյանը:
