Հայտարարությունս համարում եմ սխալ և էմոցիոնալ. Հակոբ Ասլանյանը Մխիթար Հայրապետյանի հետ հեռախոսային սքրին է տարածել, նախարարի խոսնակն էլ պարզաբանել է
Հակոբ Ասլանյանի տարածած տեքստում նշվում է, որ ՔՊ-ի հետ համագործակցությունը կասեցնելու այսօրվա հայտարարությունը հիմնված է եղել սխալ տեղեկությունների վրա: Հերքման տեքստը Հակոբ Ասլանյանին ուղարկել է ԲՏԱ նախարար Մխիթար Հայրապետյանը։ Սակայն րոպեներ անց Հակոբ Ասլանյանը հեռացրել է գրառումը, որտեղ երևում էր Մխիթար Հայրապետյանի անունը և տեղադրել հերքման վերաբերյալ մեկ այլ սքրինշոթ, որտեղից կտրված է ԲՏԱ նախարարի անունը։«Պատգամավոր Հակոբ Ասլանյանը ԲՏԱ նախարար Մխիթար Հայրապետյանի դպրոցական ուսուցիչն է եղել, 2016 թվականին ՔՊ-ին անդամագրվել է նախարարի միջոցով։ Ասլանյանն այսօր խորհրդակցել է նախարարի հետ և խնդրել իրեն օգնել իր հայտարարության տեքստի հետ կապված»,-այս մասին գրել է Մխիթար Հայրապետյանի խոսնակը:
